3MNA GEORGE

ELWAD GAMAL

26 MARCH 2013

• زمان وانا في ابتداءي واعدادي لما كنت باروح المدرسه
• اللي ماكنتش باحب اروحها ولا كنت باطيقها
• كنت باشوف العيال اللي بتلم الزباله بتاعه المدارس عشان
• يودوها المصانع ويبقوا ماشيين حاطين اكوام زباله علي اكتافهم
• ويشوفوا الطلبه وهما داخلين المدرسه

وطبعا كنت باتكسف من نفسي

• واحط وشي فالارض بس كنت باسال نفسي هو ليه انا
• اللي بادخل مدرسه وليه هو اللي بيلم الزباله ؟
• ليه مايحصلش العكس او ليه مش احنا الاتنين ندخل مدرسه؟
• بعيدا عن اني مش طايقها بس كنت بحس باهميتها لما اشوف
• الاطفال ده وهما نفسهم يبقوا في مدرسه

ممكن الطفل ده يكون اذكي مني بكتير ليه مايخدش حقه في التعليم يمكن يكون حاجه ومايطلعش فاشل زيي

الطفل : بابا عايز مصروف اكتر من ربع جنيه عشان اشتري حاجه ساقعه زي اصحابي بابا : ملناش دعوه بحد كل واحد يشتري اللي هو عايزه هو ربع جنيه يعني ربع جنيه .

الاب : جبت كام في المدرسه ياحبيبي الابن : جبت ٧ من ١٠ يا بابا. الاب : ٧ بس واصحابك عملوا ايه ؟. الابن : واحد جاب ٨ وواحد جاب ٩ الاب : شايف اصحابك جايبين درجات عاليه ازاي ليه انت متبقاش زيهم او اعلي منهم كمان .

21 august 2013. بلدنا محتاجه التعليم وبس

28 MARCH 2013

• كل اللي انا فاكره ايام الحضانه ان
• اللي كان بيعمل علي نفسه بيلبس جينز والمدرسه كلها تتريق عليه
• ايام ابتداءي منساش الولد اللي ضربوه علي رجله
• والسابوره اللي كانت بتتملي ٥ مرات وليلتي سوده لو مكملتش
• والكارثه يوم لما بنت كملتلي الدرس ازاي بنت وتكتبلك طبعا

المدرسين اللي كانوا بيعملوا للواحد رعب وطبعا منساش مدرس الرياضه ضرب دماغ صاحبي في السبوره وقالك احسن مدرسه & واول مره نزلت عند السير يوم ماغيروا لبس الالعاب وكان في ضيوف عايزين يشوفوا وكنت خايف ولما السير صوفي سالتني خايف ليه قولتلها اصل عمري ماعملت حاجه غلط

نفسي

• اشوف علي وش كل طفل وهو رايح المدرسه ابتسامه امل لبكره
• الطفل يعيش مايسبش المدرسه ويشتغل
• كل طفل يقع يلاقي حد جنبه مش اللي يقوله يافاشل
• لما الطفل يحب يلعب كوره او يرسم او يلعب ميلاقيش اللي يقوله
• ذاكر حاجه تنفعك

نفسي

• بجد ملاقيش طفل بيشرب سجاير او مخدرات
• الاطفال يرجعوا يغنوا الاغاني بتاعتهم مش مهرجانات
• الطفل يلاقي حقه فالعلاج مش نسيبه مرمي فالشارع
• كل طفل يحس بالدفء في جو الاسره
• ماشوفش طفل نايم علي الرصيف

نفسي

• لما الولد يكون عنده مشاعر اعجاب لبنت ويكتب لها جواب
• والمديره تمسك الجواب تتكلم معاه مش يكون فقره في الاذاعه
• لما الولد يغلط يلاقي عقاب وارشاد مش عقاب بس
• لما الطفل يغلط فالمدرسه مانحطش ورقه علي ظهره ونكتب غبي
• نهتم بذوي الاحتياجات الخاصه ونرفض ان هما اقل منا او نشفف عليهم

انا بحبكم وبدون زيف انتوا ناس بسيطه ومحترمه من اللي صحبتها جميله انتوا من الناس اللي بيقدروا بيفرحوا ببساطه رغم اوجاعهم والامهم & اللي بيتكلموا من قلبهم & اللي جوه قلبهم ابيض ( جمال عاطي علي اسود شويتين )

انا بحب قلوبكم لما شوفتها بتتنطط من الفرح والانبساط لما بتفرحوا حد غيركم . انا بحب قعدتي معاكم حتي لو حد شوًّه جمالها مش هتخليني ابطّل احبها ولا ابطّل قعده معاكم.

في تفاصيل صغيره اوي في حياه كل حد فيكم انا بحب اشوفها يعني جمال مش ناسي لما روحّنا سوا وقعد يحكيلي عن خبرات في طفولته لحد النهارده هي الدافع جوايا اني اكمّل في ابرياء وفاكر كل قعداتي مع جورج وكل مره باتعلّم منه حاجه جديده

كل سنه وانتوا طيبين وبخير دايما وتفضل البراءه المشترك بينّا ومحدش فيكم يزعل مني لو خيبت امله في موقف او في مره خلّوا المحبه هي عشرتنا وذكرياتنا سوا شكراً